March 2024
S M T W T F S
« Jan    
 12
3456789
10111213141516
17181920212223
24252627282930
31  

Túrblogg

Já, ha, við erum hér strákarnir hressir á Manhattan, nýkomnir frá Princeton, þar sem við lékum í gær fyrir menntafólk Nýju Jórvíkur en kvöld er það svo síðkvöldsskemmtun á Goodbye Blue Monday í Brooklyn og á morgun leikum við á sérlega listrænum kvöldverðartónleikum í Flux Factory í Queens ásamt Elizabeth Larison, K. Olive McKeon, og Metric System.

Prinsar myrkursins

Sláturdúndur á föstukvöld

dundur-flautukittisprauta

Annað Sláturdúndur ársins 2010 verður haldið á föstukvöldið næsta klukkan 20:00 í kjallara Kaffi Kúltúra við Hverfisgötu.

Sláturdúndrin eru mánaðarlegir tónleikar SLÁTUR samtakanna þar sem meðlimir flytja glænýja tónlist í frjálslegu samhengi.  Þar eru gjarnan flutt verk fyrir óvenjuleg hljóðfæri, með óvenjulega nótnaskrift, spunaverk, hálfsamin, alsamin eða jafnvel ofsamin tónlist.  Áheyrendum og tónsmiðum gefst gjarnan tækifæri að ræða tónlistina milli atriða.

Ókeypis aðgangur, fjölbreyttur boðstóll og listræn tónlist.

SLÁTUR í Princeton


9. mars næstkomandi gefst unnendum listrænt ágengrar tónlistar í Nýju Hjörsey að njóta nýrra verka meðlima SLÁTUR í Princeton háskóla. Nánari upplýsingar um tónleikana berast brátt.

NÝÁRSLEIKAR 2010!

Nýársleikar 2010Nýárstónleikar S.L.Á.T.U.R. verða haldnir í Listasafni Reykjavíkur, Hafnarhúsinu, laugardagskvöldið 9. janúar 2010 klukkan 20:00. Hljómsveitin Skmendanikka frumflytur ný íslensk tónverk fyrir ný íslensk hljóðfæri. Aðgangseyrir er 1000 krónur.

Um nýársleikana:

Nýársleikar S.L.Á.T.U.R. eru glæsilegir stórtónleikar þar sem áhersla er lögð á sérstakar hljóðfærasamsetningar og nýmæli í tónmenningu. Nýársleikarnir eru haldnir árlega en síðast voru haldnir tónleikar þar sem tíu fagottleikarar frumfluttu verk eftir jafnmörg tónskáld. Að þessu sinni mun nýstofnuð hljómsveit, Skmendanikka, flytja ný verk fyrir ný hljóðfæri sem nokkrir SLÁTURmeðlimir hafa sjálfir hannað á undanförnum árum. Hljómsveitin Skmendanikka samanstendur af þremur fjölhæfnisérfræðingum, þeim Frank Aarnink, Róberti Sturlu Reynissyni og Sturlaugi Björnssyni. Á tónleikunum leika þeir verk eftir framámenn, andófsmenn og austurrúmsmenn íslenskrar tónmenningar og munu þenja airwavesrör, þeyta þránófóna, skammhleypa þyriltrommum og skjóta hnitflugum.

Um hljóðfærin:

Hljóðfærin sem notuð verða á tónleikunum eru hönnuð á bilinu 2003-2009. Þráinn Hjálmarsson er hönnuður þránófónsins sem er e.k. vítahringsvél sem magnar upp eigintíðni mislangra röra. Einnig verða á tónleikunum langspil úr smiðju Guðmundar Steins Gunnarssoar en þau eru nútímaútgáfa af hinu þjóðlega íslenska langspili. Hljóðfæri Guðmundar eru rafræn og stillt í sérstakt réttstillikerfi (just intonation). Páll Ivan Pálsson er heilinn á bak við Airwaves-rörin sem hljómsveitin Hestbak sló í gegn með á tónlistarhátíðinni Airwaves 2006. Airwaves-rörin þykja kyngimögnuð enda fá hljóðfæri jafn djúpstemmd og áhrifamikil. Sleglaspil og millistykkjaspil Áka Ásgeirssonar eru bæði í raun blanda af hljóðfæri og rafrænum hljóðfæraleikara. Með þessum hljóðfærum er hægt að leika á hluti í umhverfinu eða önnur hljóðfæri með hjálp tölvu. Sleglaspilið slær taktvisst á nærliggjandi hluti en með millistykkjaspilinu er hægt að leika tónlist á algeng heimilistæki. Áki er einnig skapari þyriltrommunnar sem mun verða slegin á tónleikunum. Á tónleikunum verður einnig leikið á Sveiflugjafa Róberts Reynissonar sem er sannkallað undratæki. Þó svo að hljóðfærið sé örlítið og eigi sér bústað í gamalli blikkdós tekst því nær ávallt að framkalla syngjandi sveiflu með hjálp stillitakka, umhverfishljóða og ljósnema. Einstrengingur Magnúsar Jenssonar er þyngsta hljóðfærið á tónleikunum. Það er vegna þess að strengurinn í því er svo þykkur.

Um Skmendanikku:

Hljómsveitin Skmendanikka er sannkölluð ofurgrúppa. Hana skipa þrír sérlega fjölhæfir hljóðfæraleikarar sem hafa margoft leikið tónlist eftir SLÁTURmeðlimi. Hæfileikar þremenninganna felast fyrst og fremst í fjölhæfnisérhæfingu þeirra, þ.e.a.s. þeir kunna að leika á fjölmörg hljóðfæri sérlega vel. Frank Aarnink er oftast slagverksleikari og leikur á ótalmörg hljóðfæri með ótalmörgum hljómsveitum. Róbert Reynisson er oftast gítarleikari en hefur skotið upp kollinum í ýmsum óvæntum samhengjum. Róbert leikur með fjölmörgum ólíkum hljómsveitum, stundar margmiðlun í daglegu lífi og rafeindatækni. Sturlaugur Björnsson hefur lært og leikið á mörg ólík hljóðfæri s.s. franskt horn, kontrabassa, kontrabassaklarinett o.s.frv.. Sérhæfing Sturlaugs nær einnig út fyrir landamæri tónlistarinnar og inn á lendur gullgerðar og fagurdrykkjafræði enda starfar Sturlaugur nú sem ölsuðumaður hjá Agli Skallagrímssyni.

Efnisskrá nýársleika S.L.Á.T.U.R. 2010:

  • Guðmundur Steinn Gunnarsson – Hrammdæla, fyrir þránófóna og sveiflugjafa
  • Ingi Garðar Erlendsson – nýtt verk, fyrir tvö airwavesrör, þyriltrommu og einstrenging
  • Hallvarður Ásgeirsson Herzog – 5 Strengja, fyrir þyriltrommu, kantele, sveiflugjafa, langspil, airwavesrör og einstrenging
  • Páll Ivan Pálsson – Kindur, fyrir tvö klukkuspil og tvo þyriltrommuslegla
  • Þráinn Hjálmarsson – Ryþmaskúlptúr 5-2, fyrir millistikkjaspil, vasaljós, striga, ljóshunda og vasaljós
  • Hafdís Bjarnadóttir – Akrar, fyrir langspil, airwavesrör, þránófón og þyriltrommu
  • Þorkell Atlason – Hnit, fyrir tvo badmintonspaða, þránófón og tölvu
  • Gunnar Karel Másson – Followings II, fyrir þránófóna og frjálsa hljóðfærasamsetningu
  • Áki Ásgeirsson – 307°, frjáls hljóðfærasamsetning
  • Jesper Pedersen – Blátt er líka fínt!, fyrir airwavesrör, langspil og þyriltrommu

Um S.L.Á.T.U.R.:

Markmið S.L.Á.T.U.R. er að kynda undir nýsköpun í tónmenningu Reykjavíkur og nágrennis. Samtökin hafa verið leiðandi í menningarmótun tónlistar og verið sameiginlegur vettvangur ýmissa frumlegustu tónskálda Íslands. Starfsemin er fjölþætt og fyrir utan tónlistarviðburði halda samtökin uppi reglubundinni starfsemi í félagsaðstöðu sinni að Njálsgötu 14. Þar hefur almenningur aðgang að tónlist SLÁTUR meðlima og bókasafni SLÁTUR sem inniheldur sérfræðirit um listrænt ágenga tónlist. Síðasta föstudag hvers mánaðar halda samtökin óformlega tónleika undir nafninu SLÁTURDÚNDUR. Sjá á vefsíðu samtakanna: www.slátur.is

Kría Brekkan á fyrrv. SLÁTUR-torgi

Kría BrekkanFyrrverandi SLÁTUR-torgið, sem borgaryfirvöld hafa nú nefnt Hjartatorgið eða Ástartorgið og reist þar Jólaþorp, stendur á miðjum reit fasteignabraskfélagsins Festa sem afmarkast af Laugavegi, Hverfisgötu, Klapparstíg og Smiðjustíg.

Þar mun fjöltónlistakonan Kría Brekkan flytja nýjan gjörning sem er hvort í senn HELGILEIKUR og PÍPSJÓ í heiðingjakofa baka til í austurhorni torgsins. Aðeins einn áhorfandi kemst fyrir í einu en Kría mun vera viðverandi í dag frá klukkan 16:00 og fram á kvöld.

Allur ágóði rennur til styrktar mæðrastyrksnefndar.

Úr tilkynningu Kríu…
LEIÐBEININGAR: 500kr. setur lifandi glimskrattann í gang, en líka meira eða minna. Áhorfandi setur á sig heyrnatæki og gægist í gegnum kíkinn, (einn til tveir í einu) Einoghálf til 3 mín. helgileikur til að naflastrengja þig heilögum anda guðsmóðurinnar. KOMDU AÐ SJÁ OG STYRKTU GOTT MÁLEFNI!

Gleðileg jól

SLÁTUR óskar almenningi gleðilegra jóla og friðsældar á nýju ári.

Vetrarsólstöður

Dúndur umfjöllun

Gunnar H. Guðmundsson rýndi í síðasta dúndur og birti niðurstöður sínar á hinni ungu og efnilegu fréttasíðu www.midjan.is

Fréttina má nálgast hér.

Harpverk tónleikar á mánukvöld

harpverk

Mánukvöldið 16. nóvember mun tvíeykið Duo Harpverk sem samanstendur af hörpuleikaranum Katie Buckley og slagverksleikaranum Frank Aarnink flytja verk eftir SLÁTUR meðlimi auk óbreyttra tónskálda, inn- og erlendra, lifandi og látinna.
Eins og segir á facebook síðu Harpverks:

Rosenberg goes Classic.
Or Harpverk goes Jazz?

New pieces by Karen Heath(Australia),Jesper Pedersen(Ísland?)and Guðmundur Steinn(litla Steini)
And lots of old pieces by:
Oliver,Anna,Daniel,Bára,Jónas,Jenny,Piazzolla.

500 kall sedill til að komast inn!

Hugmyndir að kúrsum og námskeiðum

Login Register

Hugmyndir að kúrsum og námskeiðum

classic Classic list List threaded Threaded
Locked 2 messages Options Options

Loading…
Move topic
Pin topic
Unpin topic
Lock topic
Unlock topic
Delete this topic
Delete this topic
Embed post
Permalink

Selected post Sep 09, 2009; 2:16pm

Hugmyndir að kúrsum og námskeiðum

Reply | Threaded | More

Loading…
Reply to author
Edit post
Move post
Delete this post
Delete this post and replies
Change post date
Print post
Permalink
Raw mail

star

pallivanonline
21 posts
Var að velta fyrir mér hvað gæti verið “kennt” í SLÁTUR Akademíunni.

Heimspeki og samhengi:
* Hugmyndafræði listrænnar ágengni – Umræður og fyrirlestrar um eðli listræns ágengis
* Samtíma tónlistarsaga – Samtímatónskáld kynnt, stefnur, straumar og hugmyndir samtímans skoðaðir

Fræði:
* Almenn forritun – Hvað er það, tilhvers, forritunarmál ofl.
* Tölvur og efnisheimurinn:Arduino etc.
* Nótnaritun
*Hljóðfærafræði

Praktík:
? Hljóðfæri, prófa, tilraunastofa etc

já bara pælingar…

Selected post Nov 07, 2009; 3:05am

Re: Hugmyndir að kúrsum og námskeiðum

Reply | Threaded | More

Loading…
Reply to author
Edit post
Move post
Delete this post
Delete this post and replies
Change post date
Print post
Permalink
Raw mail

star

pallivanonline
21 posts
Reyndar ætti hér heima umræða um eðli kennslu. Hvað er kennsla, hvernig ætti hún að vera og er hún á annaðborð æskileg?  Að miðla reynslu sinni með fyrirlestrum og umræðu eða hart skref fyrir skref leiðarvísir að réttri hugsun og list, eitthvað þar á milli eða jafnvel eitthvað allt annað?

já prins ivan

Free Embeddable Forum powered by Nabble

Hljóðblogg

Written by Þráinn Hjálmarsson
laugardagur, 30 maí 2009
Hljóðblogg er nýtt af nálinni, en það styðst við samfélagsgildi venjulegs bloggs en án tjáningar og skoðanir bloggarans, bloggarinn leitar eftir fremsta megni að varðveita andartök og hugmyndir í hljóðum, þetta er ekki ósvipað hugmyndinni um ljósmyndun, ljósmyndin hefur í raun aðra þýðingu fyrir þeim sem að tekur myndina en þeim sem að móttekur.

Líkt og með önnur blogg er frjálslega farið með höfundarréttinn í þessum efnum á þeirri forsendu að höfundaréttur ver höfundum frá því að stolið sé frá í þeim tilgangi að reyna að græða á því. Í hljóðbloggi eru einungis menningarleg verðmæti.

Hér er vefslóð inná hljóðblogg Þráins Hjálmarssonar, http://thrainn.tumblr.com/
Vefsíðan er einnig hugsuð sem rafrænn skúlptúr.